全天侯狗仔隊：
陶喆上海一家親陪媽咪會緋聞情人
蘋果日報 2006/07/30 00:00
陶喆日前去咗上海做宣傳，佢父母近年移居當地，一向侍母至孝嘅佢特別抽空同媽咪王復蓉食飯，但爹哋陶大偉就冇出嚟。雖然當日陶喆係三人行，但爹哋嘅位置就換咗係媽咪王復蓉嘅緋聞情人兼社交舞老師李岩。
陶爸爸大方
三個人去咗食上海菜，席間有傾有講，食得好開心，食飽飽陶喆不避嫌咁同佢哋一齊搭的士離開，先送咗佢返下榻嘅希爾頓酒店，然後陶媽媽就同李岩坐番同一部的士走。
20歲嘅李岩同現年58歲嘅陶媽媽之前傳過緋聞，又係社交舞老師同學生關係，陶媽媽解畫話李岩係佢契仔，佢哋兩母子仲一齊參加過標準舞大賽，當時陶喆好緊張，借出御用化妝師同髮型師畀媽咪，仲越洋打電話鼓勵，搞到陶媽媽好鬼感動。李岩身兼好多個身份，不過最奇怪就係佢同陶吉吉關係好之外，同陶爸爸嘅關係都OK，陶大偉仲講過支持太太學跳舞，睇嚟佢嘅愛情觀都好大方吓。
上海直擊
20歲嘅李岩同現年58歲嘅陶媽媽之前傳過緋聞，又係社交舞老師同學生關係，陶媽媽解畫話李岩係佢契仔，佢哋兩母子仲一齊參加過標準舞大賽，當時陶喆好緊張，借出御用化妝師同髮型師畀媽咪，仲越洋打電話鼓勵，搞到陶媽媽好鬼感動。李岩身兼好多個身份，不過最奇怪就係佢同陶吉吉關係好之外，同陶爸爸嘅關係都OK，陶大偉仲講過支持太太學跳舞，睇嚟佢嘅愛情觀都好大方吓。
上海直擊
離開時陶媽媽一馬當先，陶喆緊隨其後。
陶喆（左）同媽咪以及媽咪嘅緋聞男友李岩（右），日前喺上海相約吃飯。
陶喆雙親個仔嘅感情好好，之前仲特別去捧個仔嘅演唱會場，一家三口感情融洽。 資料圖片
李岩曾經同陶媽媽一齊參加社交舞大賽。