明晚8時港台《視點31》，請了黃秋生和何君堯對談，今日港台在社交網為節目作預告，並徵集網民問題，讓網民都可以參與這場世紀大戰。

港台《視點31》在FB指今集話題是「論良知．談正義」：「有哲學家講過，人類歷史最大嘅悲劇同衝突，唔係正義同邪惡嘅對抗，而係雙方都自認係正義化身。反修例風暴席捲香港過200日，社會撕裂嚴重，無論你係咩立場，都一樣唔好受。呢200日，有人感歎家園破壞，有人感傷禮崩樂壞，一啲本來大家都應該有共識嘅核心價值，都出現前所未有嘅分歧、爭論……」

網民反應熱烈，留言提問：「我想問點解政府/中央/藍絲只識用死物同人命比較？」、「何君堯有沒後悔自己因支持白表人而落選區議員及受制裁？」、「請問何君堯眼中良知同正義嘅定義係咩？」、「請問何君堯：你認為現在你還有多少公信力？你認為香港有幾多成的市民會相信你的說話？」但亦有網民留言表示：「點解仲同何妖賣廣告」、「唔想睇…… 我驚打爆個電視」、「支持生哥打何妖」。

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇