喺大台不時有拍劇嘅陳家樂同何廣沛，兩個都係咁後生靚仔，俾人認錯都真係唔出奇，而陳家樂就係社交網站度，講咗俾人認錯係何廣沛嘅經過。

話說佢今日喺街頭遇到個媽媽，然後個媽媽叫個仔同自己影合照，點知媽媽就問囝囝：「你認唔認得哥哥？」，阿仔就望住陳家樂話「唔認得」，媽媽即時同阿仔講：「你好鐘意睇佢做戲o架！之前你晚晚追o架！《超時空男臣》喎！」，跟住阿仔就話：「我認得啦！你係何廣沛！」…而陳家樂就話為咗唔想令到呢對母子失望，所以最後都冇解釋。

其實俾人認錯真係好少事，事關之前都有好經典嘅「許志安喺球場度俾人認錯係『杜生』」，而最近，王力宏去大陸宣傳時，坐車離開時又俾班同胞認錯係劉德華（相關新聞： https://bit.ly/2OZsjwW ），佢哋4位咁出名都俾人認錯，今次陳家樂俾人認錯係何廣沛，濕濕碎啦！

精選娛聞，喺晒《娛果》
http://fb.com/appledailyent