有線班男同事經常會組隊踢波，我亦曾經去觀戰，發覺佢哋好認真，唔係玩玩吓。雖然唔係踢咩大賽，但都好有規模，仲設領隊一職，有埋整齊制服；賽前領隊仲會同隊員講解戰術，好似踢緊香港甲組咁！最估唔到係佢哋會畀錢請埋球證，一場友誼賽都可以咁認真，唔只踢嘅開心，喺場邊睇嘅都會自動幫佢哋打氣。

試過先知有乜難度

有唔少好波之人不在話，哈哈！亦有人畀人推右走左，話過就過；超重跑得慢，次次攬住條「士啤呔」索氣嘅亦有！我呢啲搞事分子梗喺場邊以另類方式打氣（喝倒采），跟住狂笑啦！
見班平時成日困喺office冇運動嘅同事都出來踢波係件好事；一來可以聯誼，亦可以趁機keepfit！另外，我覺得作為足球節目主持，除咗要多睇波外，踢波仲可以設身處地體驗吓球員喺場上嘅情況，有助分析戰局。
譬如個球員斬波斬得靚唔靚，喺唔同位置斬波有乜難度？呢啲真係要試過先知㗎！
WENDY
由歐國盃EuroBabes，變身球彩台受歡迎主持。