o靚模寫真大戰未開波，但已舌劍唇槍「峯」火瀰漫。百果園E神陳靜（DaDa）拖師妹混血E神林宜芝（Monna）大反擊，插爆曾聲稱要跟一眾o靚模打擂台鬥波的寸嘴女何佩瑜（Jeana）。

DaDa愛八字胸

Monna後發先至，要向Jeana下戰書，她前晚在電話中說：「好呀，我覺得OK，着比堅尼打擂台，瞓喺度打，睇吓邊個係不倒胸，邊個係真材實料囉。」是否指Jeana打假波？Monna曲線踩兩腳：「唔知，係真嘅胸部會有地心吸力，一瞓低就會分開，個個女仔都會明白。」
Monna又謂自己不需刻意出招上位，她說：「我哋公司女仔全部出名真材實料，希望大家支持本地製作同真材實料。」
Jeana曾狠批DaDa露牙肉又八字波，DaDa回敬Jeana小心玩出火，DaDa說：「冇牙肉先出奇啦，咁都要講；個胸有番咁上下就梗受地心吸力影響，我一啲都唔介意自己八字胸。係真材實料嘅，唔使周圍講辣火頭，小心燒親自己呀！」撰文：夏琴