22歲嘅柯震東同34歲嘅蕭亞軒(Elva)，兩個嘅戀情一向都受支持，又有傳雙方都見晒家長，網民都幾睇好呢段戀情，但係最近就有傳呢段姊弟戀疑似已經分咗手。(新聞連結： http://bit.ly/1hjIJb9 )

今日柯震東就喺微博發言，佢似乎係想喺微博貼相不過就淨係post到文字，於是乎就大嗌救命喇，佢話：「為什麼轉發和發圖都會消失呀！只發文字可以了吧，是我手機的問題還是被朋友惡作劇......好吧！關機休息一下！」唏，唔使問阿貴都知啦，微博有班專係審查內容嘅專員，有啲咩風吹草動之下，梗係乜都ban咗你先啦。

雖然柯震東係投訴貼唔到相，不過當中好多嘅留言都係問佢點解要同Elva分手，又問佢係唔係真係同Elva分手，唉呀，感情嘅嘢邊講得埋嘅呢？

至於Elva嘅微博呢幾日都冇乜更新，係前幾日貼咗幅圖，仲話：「我珍惜在我最需要的時候拉我一把的那幾雙溫暖的手，在雨季時幫我撐傘，當豔陽高照時我身邊必定高掛著你們，謝謝你們。」同柯震東一樣都係有好多網民留言，留言嘅內容都係叫佢哋唔好分手，但有部份嘅網民就撐呢次分手分得好：「那個人真心配不上你。」

不過Elva嘅instagram就有keep住貼新相嘅，至慘係兩個人傳分手，竟然搞到粉絲罵戰，有人仲搞到人生攻擊，話Elva已經36歲，年紀大太冇得生。離譜咗啲喎，唔怪得佢噚日貼相都話：「Ilikehowthefireburns」，幾個鐘之後佢又再留言話：「Don'tworrybabe!!Tomorrowwillbeagreatdayokie?」似乎真係唔多開心咁。