劉先生接受《蘋果》電話訪問表示,G.E.M.與男友在日前晚上9時多,到圓方拍拖睇戲:「佢哋前後腳向戲院方向行,初時冇留意到佢,只見到有個女仔戴帽、又戴口罩,再望吓個男仔,就認得係佢男友。」相中所見,戴上口罩的G.E.M.包到冚僅露出一雙眼,男友僅戴cap帽。碰巧當晚劉先生也是同場睇《大黃蜂》,他尾隨兩人到戲院:「佢哋去到戲院,會合咗一個四眼男人,之後去買爆谷,我聽到G.E.M.問男友『食乜好?』之後就見到G.E.M.買咗杯熱飲,跟住佢就好似好忙咁低頭撳手機,用手機畀錢,男友就掛住食爆谷。」
採訪︰皓鶱