馬來西亞華裔歌手龔柯允今日到商台宣傳新歌《海女》，佢話嚟香港發展8年，感覺似海女喺海浪中漂泊，靠自己技能尋找目標，佢話:「係咪一定要修成正果，定係無悔自己緊要啲呢，佢坦言自己心態未必要喺娛樂圈大紅大紫，但有機會就想做自己鍾意嘅嘢。」

講到佢喺香港最大嘅收穫就係去年結婚，佢即露出幸福笑容說:「係，不過我都覺得女性要獨立，暫時冇諗過少奶奶生活。」

啱啱喺上海練完歌返港，問到內地人習慣唱歌時飆高音嘅問題，佢話:「都係，但係我着重喺細節情感上，如果唔係就好似只着重技巧。」佢自言過去喺香港8年經歷，令佢翻唱其他人嘅歌時有自己嘅味道。

精選娛聞，喺晒《娛果》
http://fb.com/appledailyent