【新增內容】

黃子華一向深受網民愛戴，場場棟篤笑爆滿，被封為「子華神」，他於2018年7月在紅館完成26場「金盆o浪口」棟篤笑後宣佈收咪，正式告別棟篤笑舞台。其後主力拍電影，早前更推出集編、導、演於一身的賀歲片《乜代宗師》，無奈撞正肺炎疫情，或多或少影響觀眾入場，不過該片票房仍收2,956萬元。

昨晚子華在社交網有動靜，上載一段約1分14秒「金盆o浪口」的片段，不少網民估計「金盆o浪口」是否出碟？

片中見子華登場問觀眾，他說︰「問一問先，今日有邊個唔係第一場嚟『金盆o浪口』拍手，至於未睇過嘅人，一嚟就睇最收尾嗰場吓！咁就係你哋最後嗌嘅機會啦。」現場一片歡呼聲，片尾打出「黃子華棟篤笑金盆o浪口」，不少網民紛紛留言，有網民問他「要出碟了嗎」、「幾時出碟」、「期待新碟」。

另有網民跟他說︰「你出碟冇問題，不過可唔可以出全套Boxset？但唔好放同人合作嗰啲，唔該！」亦有許多忠實fans例牌留言嗌︰「回水！回水！」對於是否出碟一事，《蘋果》向子華經理人查詢，對方表示︰「呢幾日留意吓子華嘅facebook就會知。」言下之意，即是日內會有好消息公佈。

果然即刻有update，原來仲未出碟，只可在網上收睇，約今午5點左右，有facebook專頁指全香港首次「黃子華棟篤笑-金盆o浪口」網上版門票將於3月13日早上10點在網上開賣，上映日期3月16日至4月8日，時間由「你話事」、地點在「你屋企」，票價為$68，每場門票的網上座位有限，觀眾可以揀好理想日子買飛，於限時內網上完成觀賞，有網民笑稱：「當眾籌幫子華神買返層樓都要。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》