劉德華舊年初喺泰國拍廣告時意外墜馬受傷，休養咗大半年之後，喺上年八月全面復工，抖咗一排，見到華仔精神晒，有唔少商戶都爭住搵佢合作。

其實早前已經有公告華仔會拍《拆彈專家》續集，同埋《掃毒2》，最近又有傳佢會同黃金拍檔鄭秀文，一齊拍許鞍華(Ann)監製嘅新片《花椒之味》，不過噚日Ann就急急澄清，華仔並唔係主演，只係客串。

對於有報導指華仔係第一男主角，監製許鞍華澄清話：「我們當然很想與華仔再次合作，今次邀請他只是客串其中一個角色。香港需要更多用心製作的好電影，我們也要身體力行支持一些年青導演。華仔向來都支持年青電影人，希望他今次時間可以配合，同時可為Sammi打氣，一齊聚舊。」

精選娛聞，喺晒《娛果》
http://fb.com/appledailyent