【蔡約翰拒收留】方嘉柏執二攤訓練！「守正用奇」有個好現象
蘋果日報 2019/10/23 11:11
蔡約翰方嘉柏從化陳國聰守正用奇
守正用奇暑期至今，大部份時間在從化馬場進行操練。（香港賽馬會）
馬主陳國聰由蔡約翰開倉已支持到今日，前前後後都在蔡廄養過六駒，最出色一駒必是七捷嘅「以奇用兵」（已退役）。
不過由上季開始，竟然有一駒「守正用奇」轉為支持方嘉柏，據知因為蔡神仙婉拒唔收呢匹馬，所以馬主先交呢匹馬畀方嘉柏訓練，但係咪代表呢駒質素唔太得？
上季「守正用奇」出賽七次暫冇入位，但事實上曾在谷草1650米跑過第四，表現唔差，今季佢上完從化訓練後，幕後認為體重回升係好現象，加上評分又減咗落嚟到72分，今晚季內初出，跑谷草第七場三班一哩，隨時守得雲開贏馬唔出奇。