《個案一》
八歲就讀小二的偉仔,在蘋果基金「童夢成真」許願表格上填寫:「我想要一個新書包。」
日前,偉仔擁着記者轉贈的書包,仔細觀看,他道出渴望擁有新書包的原因:「舊書包個底爛咗,我好想有個新書包,不過媽咪冇錢,我唔敢叫佢買;呢個書包好靚,多謝!」
父失業家庭陷困
偉仔的母親阿彩笑說:「佢今日放學之後,就話即刻返嚟屋企,等你送書包。」
三十六歲曾從事製衣工人的阿彩,丈夫任職地盤散工,夫婦育有四名現年五歲至八歲子女。阿彩婚後辭退工作,留在家照顧孩子。近年,其夫經常開工不足,早前更陷入失業困境,一家六口靠領取綜援金生活,口袋難有積蓄,子女的衣物大多依靠他人轉贈。
早前,偉仔發現書包底部破爛,惟懂事的他,了解家中的經濟環境,一直沒有嚷雙親購買新書包。近日,他從報章上得悉「童夢成真」行動,遂填寫許願表格,盼達成心願,亦減輕雙親的經濟壓力。
謝熱心人士幫忙
「買一個書包起碼要百幾蚊,對於綜援家庭嚟講,唔係咁易慳到,見囝囝日日孭住個爛書包返學,我都唔開心,但佢好乖,從來冇要求買新書包。𠵱家好多謝熱心人士幫忙,令囝囝夢想成真,亦減輕我嘅開支。」阿彩說。