雷頌德（Mark）將接棒擔任潘源良主持嘅港台節目，今日二人接受訪問，佢哋早年已相識兼合作，潘源良更向Mark透露，不敢邀請黎明做之前自己作品展嘅嘉賓，佢話:「怕佢忙好難夾到期，而且好多嘉賓，唱過時間驚罰錢，冇理由催嘉賓唱快啲。」

有傳關淑怡當日參演被其助手呼喝，潘源良表示：「歌手喺自己化妝間，我冇見到有咁既事，嗰日佢感冒可能反應慢被催，遲啲會搵佢問候吓。」