最近啲雨時大時細，想唔拎遮出街都唔得，撞正今日係大台港姐初選，唔少家人以行動支持!

身型高挑嘅Regian身穿一字膊白色衫同高衩，大晒長腿，見佢同媽咪成個餅印，不過塊面就有啲V煞，外貌有啲李亞男，絕對係「V煞亞男」。E~咁咪同「吊帶王祖藍」係一對(新聞連結： http://bit.ly/2tHylqP )，唔知佢哋有冇機會一齊入圍呢!?

24歲梁凱詠(Alice)身穿黃色雨褸，由Uncle同Auntie陪同抵達，由於眼妝有少少溶，由親友幫佢補妝，佢受訪時透露喺西雅圖長大，畢業於華盛頓大學，現職電腦工程師，佢對今次參選有信心，更透露現時有男友，不過Alice外貌生得比較成熟。

21歲Tiffany就由媽咪陪同到場，媽咪個樣都幾後生，Tiffany係浙江人嚟香港讀書，今年喺浸大電影系畢業，外貌有啲似前港姐兼李錦聯前度女友余少寶(新聞連結： http://bit.ly/2sQZf2L )，不過Tiffany有啲baby fat，似「闊面余少寶」。