改編自韓國同名人氣漫畫、由男團ASTRO成員銀優及女星林秀香主演嘅JTBC新劇《我的ID是江南美人》(江南美人)，現時喺韓國熱播中，當中港劇迷可於Viu同步追劇。

《江南美人》除了令男女主角銀優同林秀香人氣急升，劇中飾演機心勁重嘅偽女神「玄秀雅」嘅26歲女星趙宇麗亦都因劇集帶挈而人氣急升，趙宇麗喺劇集個角色好黑人憎，成日都搞破壞，想離間男女主角銀優同林秀香嘅感情，明明唔係有錢女就要扮自己係有錢女，又要全世界嘅男仔都要鍾意佢，遇到啲男仔對佢唔係好有意思或者有女朋友時，佢就搞埋啲小動作令到啲男仔變成鍾意自己，唔少劇迷都話憎爆佢。

不過趙宇麗搞到咁多人憎佢都係因為佢做個角色做得好出色，而現實生活中趙宇麗就唔係偽女神，佢所屬事務所仲公開佢童年照，當中可見佢由細靚到大，完全零整容，係真正嘅母胎美女。

更多韓流，喺晒《娛果》
http://fb.com/appledailyent