謝賢（四哥）、葉璇及張文慈昨日到山頂廣場出席亞視新劇《情陷夜中環2》簽約儀式，謝賢出動私人電單車載張文慈到場，並衝破紙門，寓意新劇收視再創高峯。葉璇及張文慈分別以露背及露腰的性感打扮出席，吸引不少遊客圍觀。

拂袖離去

葉璇及張文慈鬥性感之餘，亦力爭亞視一姐之位，張文慈原本正在接受記者訪問，誰知路過的葉璇卻停下搭訕，張文慈顯得非常不滿說：「其實葉璇先係亞視一姐！」葉璇不甘示弱的回答：「唔好咁講，我係寰亞嘅，係咁講我無地自容要搵窿捐。」張文慈之後向記者炮轟葉璇，她說：「公司係安排幾個節目畀我主持，不過十大廣告頒獎禮都係搵佢（葉璇）做司儀，乜嘢一唔一姐啫，做番自己嘢，費事講多錯多。」說罷即拂袖離去。
另外，亞視為答謝四哥演出新劇，送上一張貴妃椅，口花花的四哥竟問大會：「呢張係咪性安樂椅嚟？我嗰日睇報紙見到介紹都好有興趣，聽講可以做好多唔同姿勢。」四哥其後邀葉璇及張文慈試坐貴妃椅，左擁右抱的四哥可謂享盡艷福。
採訪：卓美娟　攝影：陳慧安