馮仁昭四圍超：
童心選港姐8號葉翠翠No.1
蘋果日報 2005/08/08 00:00
無綫「2005香港小姐競選」二十位佳麗噚日再次齊集，喺奧海城為「觀眾眼中的完美愛心小姐」拉票，經過之前幾日投票後，噚日再由現場一百位觀眾喺五強中揀出愛心小姐，結果8號葉翠翠以四十票贏得美譽。
全家撐場
馮仁昭見到葉翠翠好受歡迎，現場唔單止有好多fans舉牌大嗌佢個名以示支持，重收到現場觀眾送嘅兩束鮮花，不過投佢一票嘅大多數係小妹妹，唔通佢嘅魅力只能夠吸引細路女？葉翠翠話：「我都發覺支持我嘅係小朋友多，但咁咪證明啲人真係鍾意我個人，而唔係單止個樣囉。」馮仁昭重知道葉翠翠屋企人都有到現場支持佢，見到佢贏咗呢個稱譽，真係不枉此行。
除咗葉翠翠外，鄧英敏女兒14號鄧上文全家總動員到場支持，爸爸鄧英敏重不時攞住相機幫愛女影相留念，雖然全家到嚟支持，但結果都係失望而回，鄧上文話：「最緊要都係當晚表現啫。」
除咗葉翠翠外，鄧英敏女兒14號鄧上文全家總動員到場支持，爸爸鄧英敏重不時攞住相機幫愛女影相留念，雖然全家到嚟支持，但結果都係失望而回，鄧上文話：「最緊要都係當晚表現啫。」
左起：15號陸詩韻、16號林莉、17號曾衍欣同18號袁彌明都急住上台為自己拉票。
鄧英敏（左三）帶同一家出動支持愛女14號鄧上文（右二），認真溫馨。