要做得韓國男神唔係易事，人氣真係好重要。前年一部神劇《來自星星的你》令到金秀賢成為新一代男神，不過今年《太陽的後裔》誕生，又令到宋仲基成為「國民老公」，兩大男神不時被人拿來比較。

而喺內地唔少廣告商都轉換宋仲基做代言人，不過金秀賢呢位男神喺內地人氣依然高企，喺近日由騰訊舉辦嘅「韓國廣告明星人氣王」選舉中，根據3,700萬人嘅投票結果下，去年被封做人氣王嘅金秀賢今年再度冧莊，成為冠軍，至於宋仲基就緊隨其後得亞軍，不過宋仲基同金秀賢嘅票數相差達250萬票，想追贏都唔係易事。而季軍至第五名就分別為天團BIGBANG嘅G-DRAGON、李鍾碩同李光洙。

另外，女星方面就由《Doctors》嘅朴信惠得冠軍，亞軍及季軍就由鄭氏姊妹包辦，Krystal得亞軍，聽日來港嘅Jessica就得季軍。