中環在線：樂意灣仔開業40年 細數捧場名人
賭王三四太愛花膠扒 - 李華華
蘋果日報 2014/08/28 00:00
小時候一聽見父母話要去扒房鋸扒，內心就會非常雀躍，知道係有喜慶事，事關鋸扒屬於中高檔消費，唔會常去。灣仔有間開業40年嘅樂意餐廳，位置唔算就腳，但曾經得到賭王何鴻燊垂青，不時分別帶三太陳婉珍、四太梁安琪去幫襯，除咗牛扒，賭王原來好鍾意食炸生蠔㗎。
樂意由楊家五兄弟David、Alex、Terry、William同Michael喺1974年創辦，今晚慶祝40周年。大哥已去世，其餘四人分別69、68、65同埋60歲，加埋262歲，四位老人家仍落力工作，William係總廚，另外三兄弟負責樓面，落單、傳菜、泊車一腳踢。
樂意由楊家五兄弟David、Alex、Terry、William同Michael喺1974年創辦，今晚慶祝40周年。大哥已去世，其餘四人分別69、68、65同埋60歲，加埋262歲，四位老人家仍落力工作，William係總廚，另外三兄弟負責樓面，落單、傳菜、泊車一腳踢。
賭王（中）喺沙士後不時會同三太（右）、四太幫襯樂意。 設計及資料圖片
William（左）與Alex各司其職，指工作實有爭拗，最緊要有商有量，亦冇嘢好爭。 何柏佳攝
樂意嘅牛扒嚟自美國Nebraska，餐廳門口就有幅畫畫上當地草原。
歷任警隊一哥是常客
七十年代甚少雅致扒房，令樂意輕易做出名堂，一講到名人顧客，William更加係如數家珍，「警察總部就喺附近，所以歷任警務處處長都係常客，施禮榮（1974至79年擔任處長）着住制服嚟食晏，一入門口就除低頂帽，非常有禮」。80、90年代任處長嘅李君夏、許淇安就多數坐喺窗邊望到門口嘅位置。現任處長曾偉雄又鍾意坐邊呢？答案竟然係佢未有幫襯。
財經名人當中，賭王就係常客，William憶述，賭王喺沙士後經常幫襯，通常包起貴賓房，分別帶三太或者四太一家大細去食晚飯。佢形容賭王與三太都非常斯文，冇挑剔，「賭王乜都叫，牛扒、魚乜都啱，炸蠔一定要食，三太、四太就食養顏嘅花膠扒」，而花膠扒係按厚度計價錢。William笑說，「賭王仲曾經好佻皮咁對住太太話，我乜都食，連你都想食埋」。
賭王去食飯當然相當有排場，「佢哋一家人嚟，加埋保鑣，試過七部車泊喺樓下」，可惜，賭王自2009年在家中跌倒後就冇再幫襯樂意了。
財經名人當中，賭王就係常客，William憶述，賭王喺沙士後經常幫襯，通常包起貴賓房，分別帶三太或者四太一家大細去食晚飯。佢形容賭王與三太都非常斯文，冇挑剔，「賭王乜都叫，牛扒、魚乜都啱，炸蠔一定要食，三太、四太就食養顏嘅花膠扒」，而花膠扒係按厚度計價錢。William笑說，「賭王仲曾經好佻皮咁對住太太話，我乜都食，連你都想食埋」。
賭王去食飯當然相當有排場，「佢哋一家人嚟，加埋保鑣，試過七部車泊喺樓下」，可惜，賭王自2009年在家中跌倒後就冇再幫襯樂意了。
賭王經常包起呢間VIP房與家人食飯。
賭王三太、四太鍾意食嘅花膠扒，按厚度計價，呢塊要1,500元。
李華華
mailto:[email protected]
mailto:[email protected]