【新增回應】
「馬神」馬德鐘與陳玉蓮（蓮妹）有份養的團體馬「快樂實在」，2017年3月初出道，7月便在沙田出賽跑第一，馬神夫妻孖蓮妹等拉頭馬，當日並贏得47萬多獎金。今季踏入6歲的愛駒過往成績都不錯，可是昨日在沙田參加第九場三班1600米時，人算不如天算，快樂實在閘前大發脾氣，先把騎師賀銘年拋跌，然後跑脫在賽道上狂奔，隨即被馬會着令退賽。牠在奔跑期間，疑因場地濕滑失足倒下嚴重受創，更要被獸醫人道毁滅。

馬神昨晚在FB帖文悼念愛駒，他留言：「三年前『快樂實在』贏得香港傷健策騎協會盃，三年後今日因重傷被獸醫人道毁滅。這變化實在令人難以接受，人和動物的生命都是很脆弱的！還記得第一次探望你時候的情景，多謝『快樂實在』給我們和你自己帶來過光輝燦爛的成績！希望你能在天國自由自在，實實在在享受快樂！RIP！」

馬神於3年前買了「快樂實在」後，他不時到馬會的馬房探望愛駒，他今日回覆傳媒時，傷感地說：「我以前有探過佢，我仲有睇佢沖涼，睇佢做運動，估唔到噚日發生咗呢個意外，佢受咗傷。」當獲悉快樂實在的傷勢被獸醫評估後，牠需要人道毁滅的消息，馬神的心情跌谷底：「我噚日冇入場，我收到消息時已做咗（人道毁滅），我相信馬會一定有佢哋規定。我聽到時個心好唔舒服，一直諗住，佢可以好似啲運動員咁，完成晒（任務），就可以退役，送去牧場度開開心心，點知佢會不幸發生咗呢個意外。」問到馬神還會有計劃再買馬嗎？他答：「暫時都唔會再買馬住喇！」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新