台灣藝人吳映潔(鬼鬼)、仲有單文柔同伍樂怡今日到鑽石山出席推廣台灣文化及旅遊嘅活動，活動上鬼鬼向大家推薦台南墾丁，佢接受訪問時表示啱啱去完墾丁學潛水，並考獲潛水牌，嚟緊仲打算九月會再到墾丁潛水。

為避免曬黑鬼鬼稱每次潛水都會着長袖嘅潛水衣，不過手掌就無可避免地會曬黑，佢話：「手掌曬黑了回到台灣工作，給經紀人唸，因為拍廣告要用手拿着產品時看到兩個不膚色。」咁點解唔帶埋手套落水？佢話：「我是初學，教練不希望我在水中亂碰生物，因為牠們大多有毒，不戴手套就可以確保我不會亂碰。」

但講到要推介旅遊地點，鬼鬼反而會揀台北，佢話：「墾丁其實還不太熟，我會推薦台北，因為有很多夜市，即使我們本地人到夜市，都不能抗拒美食。」鬼鬼話今次來港只會逗留一天，希望下次可以多留幾天，見見粉絲。

精選娛聞，喺晒《娛果》
http://fb.com/appledailyent