縱使張敬軒喺微博發表「愛國千字文」力挽狂瀾，可惜兩地網民唔buy，軒仔最終亦俾湖南衞視《歌手2017》踢出局。

原本軒仔已錄影嘅第一集被刪剪。日前節目出街，軒仔當然唔見蹤影，鏡頭亦只見到軒仔嘅紅頭髮同膊頭。(新聞連結： http://bit.ly/2jnrSww )

今日凌晨，張敬軒再喺微博以簡體字貼文訴心聲，表示：「能有幸與專業頂尖的班底交流學習，一起享受過音樂，已夠幸福。感謝所有工作人員對於音樂不計回報的努力。音樂如此美好，不該被紛擾到。感恩人生的風雨和陽光，掌聲和批評都是鞭策。」