金燕玲今日在「蜜友」蘇施黃主持的商台節目《大玩派》中透露，在今年初發現患有子宮癌。

蘇施黃與金燕玲在節目中輕鬆對談，蘇施黃又開玩笑問：「對一個日日都要出街嘅金小姐嚟講，化療嘔辛苦啲定唔出街辛苦啲？」金燕玲話：「我覺得係一個過程，因為我免疫系統差，出街我要帶口罩，醫生叫我唔好凍親。另外原來我唔可以接觸動物，我好失望，連小朋友都唔見得，唔係我唔想出街，係我弱得出唔到。」金燕玲又作狀投訴蘇施黃經常在家中陪伴，令到她要下令叫蘇施黃出街。蘇施黃就解釋：「我習慣咗唔鍾意出街，而家係佢唔出街，好似一個老婆喺屋企，老公突然話退休。」

金燕玲又說：「除咗生病嘅人辛苦，其他人都要配合你，我病佢就要瞓廳，我唔想阿女返嚟，因為佢唔可以同我同房，家人司機都要帶口罩，講緊係幾個月嘅事。如果我唔夠強壯，就唔可以出去做化療，令到呢個過程退到好後，更加長。」蘇施黃又指醫生講明唔可以運動，但金燕玲就堅持強身，會拉筋亦會跳兩步舞。

金燕玲態度積極：「我話畀自己聽，雖然我係病，但如果我唔以一個正面態度面對，周圍啲人難受，好似佢（蘇施黃）咁故作自然。」金燕玲又透露父母都是死於癌症：「唔可以好似輸梗咁，我父母都係癌病死，佢哋經過五、六年，一段好唔舒服嘅日子先走，佢哋令我知道唔可以咁。」金燕玲指父母的事令她明白要買醫療保險，由於香港醫藥費用高昂，不希望醫病的過程中仍要擔心錢的問題。

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018