電影《冥通銀行特約 翻生爭霸戰》今日在元朗片廠進行拍攝，一班演員包括黃又南、蘇麗珊、袁富華（Ben）、顧定軒同電影公司董事夏雨也有現身，其中又南和蘇麗珊接受訪問時表示，今日拍攝人數眾多，出動百多名臨時演員，又南稱：「電影係講人鬼情，片廠內搭咗一個地獄嘅佈景，今日就係拍一班鬼魂喺度比賽。」並表示戲中有不少動作場面，雖然近來天氣轉熱，但又南表示自己應付得來。

至於蘇麗珊於電影中飾演一名神婆，於招魂過程中無意間招來又南，繼而發展出一段人鬼戀，問到兩人在戲中有否親熱鏡頭，可須先向男友報告？蘇麗珊笑言：「佢係鬼，我哋一路都掂唔到對方，係最後嗰幕先掂到佢隻手，所以唔使申報。」

至於袁富華和顧定軒分別表示，電影中需要吊威也及有一些動作場面，首次吊威也的Ben哥表示：「吊咗三、四米高，要我飛上樹，好爽好過癮。」拍檔顧定軒亦表示吊威也的感覺好新鮮。

對於香港電影金像獎舉行在即，獲提名男配角的Ben哥問到可有信心獲獎？他說：「有信心，但唔代表一定得，因為對手實力好強，淨係廖啟智對手都已經夠晒大，你問我梗係想大家都有得攞，大家都付出好多努力，不過賽制只一個，所以平常心啦。」

《蘋果動新聞》訂閱新世代
4月開始免費訂閱，現在接受登記！
http://bit.ly/2TCfHRS
=============
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/XnWR0MLFmV