立法會放暑假前，內務委員會同記者交代過去一年工作，主席劉健儀指過去一年，政府提交咗18項草案，只及原定三分之二，但好過以前，佢希望政府快手啲，議員先有充足時間審議草案。副主席李華明指新政務司司長唐英年做過議員，較理解立法工作，所以每周五內會正、副主席同CS例會多啲偈傾，可以傾20分鐘，雙方有啲交流。
之前肥龍效率最高，一句到尾兩分鐘搞掂散會；陳太公事公辦好冷淡，一句起兩句止，次次五分鐘冇多冇少；煲呔就睇情況，冇乜嘢講就兩分鐘起身，辣㷫佢就唔得了，會狂鬧議員審議草案慢，阻住地球轉，講足20分鐘都得。