由韓國男星朴敘俊跟女星朴敏英合作嘅tvN人氣韓劇《金秘書為何那樣》現時喺韓國及亞洲各地人氣爆晒燈，港劇迷亦可以喺亞視觀看。《金秘書》已經播到第六集，收視亦越來越好，大前日播出嘅第六集，收視仲創新紀錄。

而有追看《金秘書》嘅劇迷有冇發現，點解《金秘書》朴敘俊住嘅豪宅熟口熟面，朴敏英喺劇中不時都會去到朴敘俊嘅豪宅照顧佢,原來朴敘俊住嘅屋企，另一個男神都住過，就係8年前人氣劇《秘密花園》男星玄彬所住嘅豪宅，基本上環境都係一樣，只係傢俬等有所不同。

當年《秘密花園》人氣爆晒燈，估計《金秘書》同《秘密花園》一樣都會掀起熱潮。

更多韓流，喺晒《娛果》
http://fb.com/appledailyent