【棟析先機】沙圈話題未必關馬事 可能只係風花雪月!(陳華棟)
風花雪月陳華棟棟析先機沙圈話題
個別練馬師成日俾馬會競賽小組查問、研訊,當中帶出咗一個關於策騎指示嘅問題。
究竟策騎指示係咩一回事,係咪大家所諗嘅咁重要?阿棟想同大家分享一吓有關見解。
首先你要代入練馬師呢個角色,你對匹馬做咗幾多工夫,夠唔夠贏,大概已有一個估量。
直到馬匹報名表公佈,知道有咩對手後,你已經知道自己隻馬係咪爭勝分子。
所以,臨場響沙圈成日睇到騎練馬主密密斟,你估真係係咁講戰略咩?
阿棟都做過馬主,梗知道當中發生咩事,除非當日跑法偏埋一邊,否則練馬師都只會好籠統咁講吓跑法,唯一唔同就係人馬首次合作。
練馬師就會講吓匹馬嘅最佳跑法同埋壞習慣,至於成果係點,就要睇騎師本人。
老實講吖,騎師接咗張聘約必然睇片做功課,富於經驗嘅,一睇就知咩跑法最啱匹馬,從而跑出最佳水平。
仲要記住,一匹馬體力有限,冇可能場場搏殺,唔通一匹馬服役跑50次全部都搏咩?
舉個例,如果你睇到「時時精綵」跑短途,都知道呢場係熱身啦!
--------------
曾犯天條必入「黑名單」?華將洋將結局大不同!
想知咩事要睇【馬上看經典】 -------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------
【武漢肺炎】專頁 全民自救 抗疫資訊盡在《蘋果》