當年今日
關於我們

【前夫想送樓?】陳煒突搬離豪宅遷居油塘 租金平一截

蘋果日報 2018/06/21 11:23

太平公主顏志行深宮計陳煒油塘復合豪宅

《深宮計》自播出之後,喺大陸點擊率已經17億。但依家想講嘅,唔係劇情,想睇劇情請撳呢度:  https://bit.ly/2M90alg 
依家係講《深宮計》嘅太平公主……陳煒。
劇中幾位熟女,包括司職「尚宮局」羅霖、康華、張文慈、張慧儀等,佢哋喺劇中際遇自然引人入勝,但戲外真人亦夠曲折離奇,包括點樣經歷感情重創,點樣企番起身,點樣儲錢買磚頭,包括被指係「隱形富婆」嘅張文慈,咦原來佢都有兩個物業0架……
講晒尚宮局眾司,冇理由唔講太平公主0架。
同台灣富商顏志行離婚六年嘅陳煒,今年44歲,稱得上黃金熟女,皆因《深宮計》帶挈之下,人氣大增密密接job,由商場活動到大陸騷陸續有來。不過,今日卻有周刊報道指,陳煒大屋搬細屋,唔住西灣臺1號豪宅,而搬咗去油塘喎,租金平一大截當然。
報道指,顏志行同陳煒依家keep住朋友關係,感情竟更勝從前,報道仲話顏生想喺香港買樓俾陳煒,等佢可以住得舒服啲,但陳煒拒絕,理由係既然已經離咗婚,不拖不欠,唔想再靠對方。所以家陣陳煒都係靠自己,為咗慳啲使,先至決定搬離現租住嘅西灣臺,搬去油塘。
至於同前夫關係,報道話陳煒減少同對方見面,希望大家各自有番自己生活。之後陳煒接受周刊訪問,佢否認前夫送樓一事,但就稱兩人現屬朋友關係,有聯絡,但佢已經放低咗呢段感情,更揚言:「冇諗過要佢啲錢,一路以嚟都係靠自己!」
empty