韓國女星宋慧喬噚日襲港，今日出席品牌喺中環舉行嘅店鋪開幕儀式，係佢婚後首度襲港。

喬妹步入店鋪前，企喺門外等候嘅粉絲以韓文大叫「姊姊」，而近日剪短髮嘅喬妹今日駁咗長髮示人，身穿短裙晒腿亮相，左手婚戒依然搶鏡。喬妹心情大好不時甜笑，亦有揮手向媒體打招呼，並與品牌高層、許建業、許晉亨等人握手及影合照。

之後喬妹以韓文表示：「大家好，我係宋慧喬，好榮幸可以來港出席呢個活動，見到香港粉絲覺得好開心。」喬妹稱自己都好鍾意戴錶，亦好鍾意呢個品牌，覺得品牌嘅新品好女性化，適合自己平時都戴得。喬妹又指自己正睇緊劇本，知道粉絲都好期待，會好快再以新作見粉絲。

最後，喬妹表示：「有機會再見好耐冇見嘅港迷真係好開心、好幸福，雖然時間好短暫，但好愉快。」

精選娛聞，喺晒《娛果》
http://fb.com/appledailyent