網上流傳一段懷疑假西瓜短片，我哋搵到事主，佢就講個西瓜喺星期日買，雪咗一日之後諗住食，點知一掂就覺得個西瓜好稔，聞落去好香，但係食落去完全無味，佢哋驚係假西瓜，所以無食掉咗。事主就話唔會驚咗以後唔食西瓜，不過會小心啲揀，唔會買稔嘅。

事主就覺得個西瓜係假嘅，不過九龍果菜同業商會副理事長張志祥睇咗段片之後，就話「個西瓜切落去咁稔，已經熟到爛，18蚊咁平，邊有可能買到咁大個」，佢提醒市民買西瓜嗰陣，用手敲打瓜身，如果發出好似鐵器撞擊嘅清敲響聲先係靚瓜；相反如果發出低沉聲同埋瓜身偏軟，就代表西瓜過熟，唔啱食用。


有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange