【本報訊】特首選舉前兩天，港大全民投票系統遭黑客入侵，民建聯宣佈挺梁，IT人謝志堅憤怒了，決定到票站當義工，站到最後一個市民投票離開。「人流冇停過，我都幾感動。好多人都話香港市民政治冷感，其實唔係！」一向不遊行的謝志堅，打算下周日4.1上街反對小圈子選舉，「（特首）唔可以得1,200個人揀、逼700萬人接受！」

上街為香港出一分力

謝志堅是菲律賓人質事件中殉職領隊謝廷駿的哥哥。前年弟弟出事後，謝志堅在微博發表萬人聯署信，要求菲律賓當局交代真相，竟遭內地當局「河蟹」掉，「我明明發咗，點知其他人睇唔到。香港同深圳一河之隔，分別就係言論自由」。梁振英上台，他特別恐懼23條死灰復燃：「唔希望所有言論都被監控、過濾，完全違反我由細到大嘅價值觀。」
在票站當義工期間，謝志堅目睹許多一家大小的人，還有傷殘、失明人士：「佢哋好樂意排隊，仲多謝港大搞呢個計劃，大家想話畀中央聽：我哋有權選特首！民建聯黨慶都話梁振英不請自來，但係中聯辦一吹雞佢哋就轉軚，完全唔理民意，好離譜！」眼見香港核心價值面臨衝擊，謝志堅沒想過移民，「走唔係辦法，應該出一分力嘗試改變。我一直為自己係香港人而自豪」。縱然預期上街未必有即時效果，他總算為香港出一分力：「如果上街反小圈子，我一定支持。」