作為一位球迷，聽到關於足球嘅嘢自然都會有反應，不過估唔到呢位人兄反應大到昏迷緊都可以醒返！

法蘭西斯佩拉達係一位業餘球員兼忠實嘅巴塞隆拿粉絲，佢喺一月嘅一場足球比賽入面頭部受傷，入院後先後做咗三次腦部手術，仲昏迷咗17日，當大家都擔心緊佩拉達會幾時甦醒嗰陣，有一日佢媽媽係佢身邊唱起西維爾會歌時，個仔就離奇咁醒返。

呢件事神奇到西班牙電視台幫佩拉達拍咗輯紀錄片，佢係節目入面就話，雖然自己係巴塞迷，不過都好鍾意聽西維爾嘅會歌，可能因為咁令佢身體產生反應咁話。而西維爾會方就係Twitter貼文表示，非常歡迎佩拉達好返之後入場聽佢哋嘅球迷「唱Live」，幾咁識做。

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1