當年今日
關於我們
261萬接手許仕仁舊愛翻本在望
蘋果日報 2014/09/26 06:00
261萬接手許仕仁舊愛翻本在望
許仕仁(左)2012年1月將愛駒各適其適出售,套現261萬。
過去人稱「肥龍」嘅許仕仁,連日出席審訊越爆越多嘢,呢位前政務司司長,在案件曝光前之2012年1月,將愛駒「各適其適」出售放盤招標,眨吓眼已兩年幾。記得當時練馬師葉楚航建議紅駿團體競投「各適其適」,結果該團體以261萬投得,至今馬兒累積獎金333萬,紅駿團體佔七成收233萬,差不多已追回身價,計埋馬兒取5冠4位,贏咗開心時光,認真值得。「各適其適」今季開鑼日跑1400米追一段熱咗身,周六(27日)再出,爭首本1600米,如果贏到,紅駿團體將真正回本。