周五喺布拉格舉行嘅拿華盃，為歐洲隊打頭陣嘅施歷，先以直落兩盤7:6擊敗世界隊嘅迪亞科；緊表出場嘅迪安雖然先輸一盤6:7（15:17），但之後佢連追兩盤7:6（7:2）同1:0（10:7），終以盤數2:1反勝伊斯拿。

第三場由施華利夫對沙寶華洛夫嘅「小鮮肉」對決嘅戰況就比較一面倒，前者以直落兩盤7:6勝出，助歐洲隊拉開場數至3:0。不過，壓軸出場嘅拿度夥拍東道主球星貝迪治喺雙打先輸一盤3:6，雖然兩人之後成功以7:6扳平，但到決勝負嘅第三盤就「搶10」失敗，最終以盤數1:2不敵基傑奧斯/積索克，世界隊先避免吞蛋，場數追近成1:3。