佘詩曼日前穿上旗袍，和早前在上樓梯時不慎撻親撞傷右手骨、仍須打石膏紮紗布的鄭嘉穎，齊齊現身金鐘太古廣場，為本報拍攝賀年專輯，引來大批市民頻以手機拍照，結果要勞煩保安叔叔維持秩序，才令這輯有趣的賀年相順利誕生。

工作量多人消瘦

劇后阿佘和劇帝鄭嘉穎過往曾合演電視劇《西關大少》和《YummyYummy》，他們不止是老拍檔，更先後有不慎撻低的經驗。阿佘說：「我希望豬年豬籠入水，其實我之前喺屋企跌親，下巴破咗相之後，就越搵越多錢啦。」鄭嘉穎即笑她：「嚟多次吖。」她卻笑道：「最緊要識得爬番起。」今次鄭嘉穎也附和道：「邊度跌邊度起。」
阿佘又笑鄭嘉穎說：「拍《西關》時，佢好肥㗎。」鄭嘉穎說他當時有170磅，後來因為工作量增加，令變瘦後的他難增磅，阿佘續說：「佢好內向，呢兩、三年有啲改變啦，樂觀咗。」鄭嘉穎則說：「阿佘好爽，幾堅強，見佢傷咗都照開工，嗰時佢下巴傷咗，照搽粉喺傷口度，成撻嘢咁，仲有少少滲血，但唔理㗎喎，好專業。」
採訪：朱倬誼
攝影：陳偉權
服裝：上海灘