王宗堯喺電影《壹獄壹世界：高登闊少踎監日記》中，有被Coffee摸下體嘅情節，今日佢喺西貢拜神儀式表示拍嘅時候都冇諗，只係想做好，好似要裸跑戲份都係專心去做，但承認今次部戲係艷福無邊，因為同戲中四位女演員都有親熱戲。

另外為部戲由148磅增至203磅嘅張建聲，佢坦言好擔心拍完之後瘦唔切身，因為之後接咗部戲，要一個月內瘦番25磅，佢話：「若果瘦唔番，我相信我嘅戲藝事業都冇。」講到佢個大肚腩同崔碧珈巨胸邊個有份量，摸過崔碧珈嘅宗堯即摸佢嗰大肚腩，然後話：「你好feel啲。」