今次(14日)快活谷夜馬，如常編跑八場，用利內檔的B欄角逐；各場賽事形勢緊湊，加上打過風連場大雨，對場地有影響，更增添變數。

第三場四班1200米，「慷慨寶」近兩季都未建功，評分已處有利水平，近兩仗配潘頓出戰同程，都排不利外檔，上仗更排大外檔，上仗若然早段鬥搶，未必夠快切入，有可能被頂在外叠，故潘頓選擇留後，迅速切埋欄，發揮上無問題，到末段沿欄欲展衝刺，卻未能望空，際遇唔好，然交出全場最快拉士時間22秒41。排位朝助手跳兩段，直路自動加速，走來墜手好起勁，論狀態遠勝上兩回，今次潘頓終等到排五檔，應有截然不同演出。

同場「金飯碗」上仗負於強手「破風者」，今回休息近兩個月復出，跑出水準可入三甲。「多多勁驥」新勝猶勇，借用巫顯東減十磅令競爭力頓增，憑機動跑法，可跟任何對手周旋。「哥哥仔」多操狀態有進展，故上仗拼入季軍，復課勤操，收身靚力度提升，外地跑爛地出色，如場地偏慢有權提升名次。「笑眼光」身靚快跳有勁，保持入位勇態。「瀟洒兄弟」上仗落飛得手，今次繼續有一檔之助，可兼顧。「輕彈錢暢」有質，熱身後稍好矣。