當年今日
關於我們

【台灣偶像劇鼻祖 】《流星花園》導演返大陸拍《深夜食堂》收「負皮」

蘋果日報 2017/06/16 14:25

黃磊深夜食堂蔡岳勳

台灣偶像劇曾經風靡全亞洲,特別係自從01年嘅台版《流星花園》開始,雖然劇本係改編自日本漫畫《花樣男子》,連角色名都係照搬落電視劇上,但係搬得嚟觀眾都好受落,仲因為呢一套劇而令台灣偶像劇文化興起,而導演蔡岳勳仲被稱為「偶像劇鼻祖」。
48歲嘅導演蔡岳勳自從《流星花園》開始,拍攝嘅電視劇大多都係改編自各地小說、漫畫或者係真實事件,例如06年有吳孟達份嘅《白色巨塔》、之前一系列嘅《痞子英雄》等等,而最近佢就幫大陸拍咗套強國版《深夜食堂》……
不過從前搬字過紙嘅手法,終於都厭喇,有大陸網民唔多buy,男主角黃磊一身和風造型又確實同強國風情格格不入,連大陸網民自己都自嘲應該要着背心短褲踢拖,仲瘋狂喺網上寫文留言插蔡岳勳毀咗一個好劇本,又影衰日版《深夜食堂》咁話。
而其中由日版20分鐘一個故仔變成強國版40分鐘半個故仔,中間唔只加插無意義嘅鏡頭拍廣告物品,植入式宣傳氾濫,仲癲到連劇中角色都要幫隻產品讀廣告台詞,拍《深夜食堂》結果食客係喺到食杯麵,連大陸網民都嘲笑係喺廣告入面加插劇情,又有唔少人都覺得以大中華文化博大精深嘅底蘊,是但拎一個城市入面嘅嘢食同風土人情已經夠寫一個好嘅劇本。
empty
《流星花園》稱為「偶像劇鼻祖」(資料圖片)
empty
三個杯麵即拆即落連湯包都係原裝。(互聯網圖片)
empty
強行插入廣告大法。(互聯網圖片)
empty
劇情發展成日被啲廣告台詞打斷。(互聯網圖片)
empty
(互聯網圖片)