當年今日
關於我們

隔牆有耳:天水圍影帝提狼英嗌冇希望 - 李八方

蘋果日報 2012/05/02 00:00


香港天主教勞工事務委員會噚日適逢5.1勞動節,首播80後社運大導陳浩倫開拍嘅寫實短片《空中樓閣》,故事講述小市民被地產霸權欺凌嘅慘況。唔少觀眾睇完大讚套片夠寫實,男主角「泉哥」吳錦泉夠搶鏡,初登銀幕已如老戲骨,成個「天水圍影帝」咁款。據聞段片遲啲或會上載YouTube,咁大家就有眼福嘞。
唔講唔知,「泉哥」早喺特首選舉期間已經頻頻見報,事緣佢先喺社聯特首論壇媽叉范太「猶抱琵琶半遮面」,又喺唐唐落區時寸佢「講就天下無敵,做就屙尿無力」,最近仲入埋工黨。講起狼振英做特首,泉哥就話無乜希望,因為佢始終唔係普選產生。