昨晚在邵氏影城舉行《全民造星II》決賽，10位參賽者施展渾身解數，爭奪冠、亞，季軍。最後比賽結果由吳啟洋（Phoebus）奪得冠軍，而大熱的張天賦（MC）屈居亞軍，至於季軍是李祉均（Oscar）。

賽後三位得獎者接受訪問，冠軍的Phoebus提到表演時遇到咪和耳筒沒有聲，他說︰「真係百感交雜，表演時嗰咪突然冇咗聲，我戴嘅耳筒冇聲之餘，連外面聲都聽唔到，好彩有練習。」問到他是否因此而在後台喊？他說︰「唉！點解咁快收到風，我嗰刻心情好嬲，嬲自己花心機去準備嘅表演，最後畀唔到人睇一個完整嘅表演，令我好唔開心，喊嗰時身邊有人同我講要冷靜，做好接下來嘅表演，慢慢收復番心情。」

被視為大熱的MC，最後屈居亞軍，問他可有失望？他說︰「今日輸呢場仗，sorry唔可以叫輸，Phoebus攞冠軍我係心服口服，因為我覺得《全民造星》輸一個全能嘅人，論全能佢的而且確係好好多。」他又指沒有失望，反而有遺憾，他說︰「今日絕對唔係失望，只係遺憾爹哋唔能夠喺現場睇到我，佢睇到我有名次一定開心，嚟緊我希望再做好啲。」

本來領先的Oscar，最後得季軍，他說︰「最開心係當你喺一件事上付出好多努力，有少少成績同收穫，嗰種滿足感冇嘢可以比喻。開心得到人欣賞，今晚係一個好滿足嘅晚上，好開心。」他表示未來會做得更好，才對得住現在所擁有的。」

至於問到三人會如何慶祝？Phoebus說︰「之前有個投票，冠軍會有2萬元，Oscar講過如果得，會帶A組去旅行。」有人表示2萬元可以去什麼地方旅行？Oscar接着說︰「最緊要玩得開心，去長洲都OK。」不過最終是MC獲得，他笑謂︰「畀壓力我呀！我攞到呢個獎都開心，我暫時唔方便，想低調啲處理。我好希望同《造星II》嘅朋友keep住聯絡，畢竟7個月嘅戰友，到呢刻唔會當任何一個係敵人，大家一齊成長，邁向想做嘅嘢，相信99位參賽者，一定攞到佢哋想要嘅嘢。」

此外，梁德忠（Tank）於第一回合找女友做舞伴大跳三級辣身舞，舞台上跟女友做出多個性愛動作，甚至在鏡頭前雙手托女友胸，挑戰電視尺度，但最終Tank三甲不入，賽後問他是否以此來吸引評判時，他表示自己最擅長跳舞。

有指表演太意淫，Tank說：「藝術呢家嘢好睇人喜好，好多藝人好似Magic Mike，佢哋都比我更加誇張，但人哋會覺得OK喎，好正喎，好sexy喎，可能本土有少少保守，但我自己好鍾意。」Tank表示大會知道他會表演這類動作，並已刪了他很多動作，他說：「我已經收斂咗好多，本身設計唔係咁，我其實想玩水池，真係好似濕晒身，但個台未必容納到，所以由4米嘅水池，縮吓縮吓變咗柱狀嘅物體。」

採訪︰黃曉妍
攝影︰林賓尼
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇