當年今日
關於我們
聚賢居記招科技高
蘋果日報 2005/09/26 00:00
噚日橫風橫雨,中環環球大廈聚賢居售樓處,仍然吸引唔少打風照睇樓嘅有錢人。個盤賣到成八千幾蚊呎,都一口氣走咗二百幾件貨,相信班買家對後市真係勁有信心。
發展商恒基高層當然好開心,而身在美國嘅營業部總經理謝偉銓,噚日就搞咗個越洋記者招待會,親自向一眾記者們滙報銷情。原先係想搞視像會議,所以請晒大家上國金二期七十六樓集團總部,點知,謝生話美國當地竟然冇視像器材提供,結果只可以透過長途電話齋talking。