做Justin Bieber嘅朋友，條件係一定要夠大膽！呢位加拿大小天王Justin最近去咗西班牙度假勝地伊維薩島（Ibiza），一向鍾意愛玩滑板嘅小Justin於當地都係去到邊滑到邊。

對自己技術充滿信心嘅佢，日前搵一名男仔朋友嘅終生幸福做賭注，叫個朋友瞓喺地下，俾佢用滑板飛過佢嗰人。個朋友都幾夠義氣同膽量，不過佢都淆淆地，用雙手護住下體，以防小Justin失手。好在小Justin都成功跳過朋友，冇整傷對方，不過真係好牙煙，屋企嘅小朋友唔好亂試啊！