奇妙電視今日喺會展舉行節目巡禮，公佈5月14日為開台日期，巡禮後，電視台兩位高層張家龍同曾展章即場接受半百傳媒圍訪，對於大眾最關心嘅有線電視嘅去留問題，兩大高層均避談，未有正面作出回應。

奇妙電視執行董事張家龍及奇妙電視執行董事曾展章今日帶領奇妙電視嘅台前幕後工作人員，出席節目巡禮，事後佢哋一齊接受傳媒追訪，提到近日有指九倉旗下嘅收費電視有線持續虧損，可能停播一事，有記者問到目前奇妙電視廣告來源，佢哋就話：「今日係奇妙電視嘅節目巡禮，已公佈5月14日開台，其實今日出席巡禮嘅都係廣告客戶，都係朋友，做咗好多年生意，大家都叫我哋努力，開開心心咁囉。」

至於可會交收費電視牌照，曾展章直言：「呢個我唔會有補充，因為我哋係一間有牌照嘅公司，又係上市公司，會有好多條例我哋要遵守嘅，變咗唔會好似你哋(傳媒)講得咁倉促，突然會有啲嘢做咁嘅。」對於外界揣測奇妙電視開台，意味着九倉放棄收費電視，他們就斷言話從來沒有呢件事發生。

現場記者提到，目前奇妙電視與有線電視嘅情況仍未明朗化，但已開始吸納廣告客戶，係咪一個好唔負任嘅機構呢？張家龍直言：「因為正常嘅生意呢，廣告客戶都係支持我哋，我睇唔到有乜唔尋常嘅情況出現。」

之後再有記者追問到收費同免費電視嘅牌照，最終是否只會保留一個，兩大高層都好有保留咁答：「呢個大家都要等番公司嘅公佈。」最後有記者問到奇妙電視目前有多少員工，但二人就未有回應離開。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。