今期跑女皇盃選用A欄，對上一次選用用A欄已為3月19日，最內欄一段草地養草期接近個半月，而近期香港三條賽道，整體來說都是偏快，與過往相同時段場地狀況有別。

以往三月尾至四月頭馬季會有空檔，馬場亦順勢換草，但今季四月則日以繼夜跑馬，會否影響了慣常換草時間表及工序，因而令場地產生連鎖效應？所以今期又或近期賭馬，不妨對預計走內叠可擺前走的馬提升評級。

考慮到養草效應，頭場五班1400米不妨對預計可以沿內叠推進前置馬優先留意，「駿馬翹楚」近兩仗跑五班同程，配祈普敦跟守三、四位只能入圍，末段嫌太均速爆不起，今次配潘明輝大有機會早段盡搶，應更合馬性。

「駿馬翹楚」抽六檔起步而內檔具前速馬匹不多，以小潘搶閘功夫，料可一早切入內叠擺頭，加上騎者受讓十磅的優勢，如無意外可勝回一仗。