當年今日
關於我們

蒙麵婚禮 十萬蚊有找!

蘋果日報 2013/02/02 06:00

鄭伊健蒙嘉慧

「蒙麵戀」修成正果,鄭伊健同蒙嘉慧(YoYo)1月28日秘密喺東京結婚,蜜月咗3日就返咗香港喇。事實上,今次「蒙麵婚禮」的確都收得好密,伊健唔少朋友事前都全不知情,葛民輝講笑話要「絕交」,但同伊健識咗十幾年嘅錢國偉,就坦言真係有啲嬲。

今次婚禮選擇喺日本舉行,餐廳選擇米芝蓮二星餐廳、東京千代田區AimeeVibert,筵開七席。本來真係可以收收埋埋、返港之後先宣佈婚訊,不過當地餐廳有一位唔係婚宴座上客嘅中國留學生,竟然幫「蒙麵婚禮」將婚宴座位表公上載喺微博,令婚訊曝光,伊健亦冇得唔認喇。

而主菜可以揀牛肉、鴨肉或素食都得,小朋友餐都有。餐廳由內到外都充滿法式風情,仲有一個超一百平方米嘅心形庭園,浪漫到爆。價錢方面,餐廳二人收費大約港幣$425,至於租場費(不計飲食)港幣$35,700。蒙麵大婚當晚,有42人出席,加上近期撞正日元匯價狂跌,成晚婚宴,使費十萬有找,抵到爛!

適逢餐廳最近八周年紀念,六月底前訂場,有半價優惠,晚餐散叫每人港幣$900-$1,300。伊健fans想結婚又想朝聖,可以諗諗。