嚟到季尾，我聽得最多嘅道理有兩個：（一）仲唔交代，下季就無運行。（二）係唔識贏嗰啲，就係唔識贏。

問題嚟啦！咁我應該撐啲未交代嘅，定係識得贏嘅呢？正反雙方都擁有海量例子底下，我揀返啲鍾意嘅嚟買，唔使覺得佢好叻，覺得佢有機咪小注支持吓，當考吓眼光都無壞嘅。

睇聽晚（26日）第三場，因為望穿秋水，終於等到「星運判官」返主場谷草四班1650米啦！之前三班嘅核突賽績可以忽略，喺呢度對住呢班對手真係好夠用。

一直都只係怕佢被動會蝕，好在今場夠快馬，佢又有一檔唔使留到好後，靠級數反彈都唔出奇。依家唔交代，仲想等幾時？

Q及QP腳拖番相信係潘頓揀嘅「藍海策略」同磅輕檔利嘅「小島怡情」。靜靜雞買埋何澤堯騎師王同佢第三口孖寶先！因為第四場「牛精大哥」都仲係幾靚仔。

-----------------------------
7月4日起 《蘋果動新聞》只限升級壹會員閱覽
繼續撐蘋果！