禮拜三谷草賽事用C欄，想在呢條跑道贏馬，唔搶前就冇機。睇番最近4月16日賽事，全部頭馬都係守前五位入直路下建功，其中「元豐泰」、「勝算高」及「風花雪月」更藉一檔之利勝出，所以抽內檔之前置馬，最值得優先留意。
今戰列陣馬中，尾場「勁駿皇駒」上仗正是在4月16日谷草C欄賽事快放入Q，拼後等番同一移欄再跑，換上韋達兼有運抽到一檔，好大機會可以贏馬補中。此外，第四場「瀟洒勁龍」跑谷草C欄1800米一次即勝，均速馬賺跑道形勢，又可言勝。