【着到鸚鵡咁】關寶慧被批7年內有姻緣到:到時我「登六」
劉玉翠陳爽關寶慧
陳爽、關寶慧、劉玉翠等今晚在灣仔出席時裝展,陳爽透露5歲的大仔和3歲的細女已經開學,由於子女報讀不同的學校,所以為他們收拾的東西亦有所不同,故她很佩服有3個小朋友的媽媽,她笑言希望子女將來能讀同一間學校。問到子女上學有沒有不習慣?她說:「妹妹冇喊,佢好獨立,就連老師都話好難得有個獨立嘅小朋友,但就好驚佢會恰其他人。」她指兩兄妹平時最愛爭東西:「哥哥大個啲,優勢就大啲,妹妹就喊聲大啲,我就做咗法官,所以有時扮唔知,等佢哋自己打過,自己解決,不過出到去,佢哋好團結,哥哥好照顧妹妹。」
關寶慧和老友劉玉翠齊齊到場,她們表示以前經常打牌,感情十分要好,不過曾有段時間失聯,自去年一起演出舞台劇後,就經常聯絡。提到關寶慧穿得很鮮艷,她笑說:「成隻鸚鵡咁,我覺得鸚鵡好靚,所以用鸚鵡嚟形容。」她指李丞責去年9月批她在7年內有姻緣到:「仲有6年,到時我『登六』。」劉玉翠表示愛情無分年齡,關寶慧說:「花甲新娘,花甲要撚雀,所以我要着得colorful啲,同埋留長頭髮,李丞責好準,佢叫我着綠色衫攞獎,點知我真係攞獎,所以佢建議我多啲綠色。」將頭髮染綠色?她笑說:「染得嚟又唔旱,我夠膽㗎,拍戲咪染番其他色囉!」劉玉翠即提議她可拍鬼片。
關寶慧又指劉玉翠亦是一個大師,「佢研究電話號碼好叻㗎,好準!」劉玉翠說:「佢(關寶慧)好有義氣,好幫朋友,但好易衝動。」關寶慧即表示:「我真係試過3次,有仔媾緊我嘅時候,有朋友打畀我喊,我即刻唔理條仔,飛去朋友屋企救人,唔理喇,我要改電話號碼。」
-----------------------------
【撐學生】
召集有心人 撐學生全年睇《蘋果》
立即按此 陳爽很佩服有3個小朋友的媽媽,她笑言希望子女將來能讀同一間學校。