鑼鼓一聲響，為馬季揭開序幕。今日馬季開鑼，大批馬迷到沙田馬場觀賽，有馬迷說上季輸3千多元，今日特意入場「攞個好意頭」；亦有退休夫婦到場拍拖，大讚氣氛熱鬧，「下年再嚟過」。馬會開鑼日全日共74,722人入場，較去年多逾8,000人；10場賽事總投注額達12.53億元，屬連升7年後掉頭下跌，但仍是歷來第二最高投注額的開鑼日，按年微跌約3%。

馬季唞暑後今午1時正式開鑼，特首林鄭月娥中午到主持開鑼和醒獅點睛儀式，並為第三場的特首盃頒獎，上季冠軍騎師潘頓亦率領一眾騎師亮相。場內多處都掛有銅鑼陣，寓意讓馬迷敲出好運，入場馬迷也獲贈賽事月曆，但天氣時晴時雨，不少在看台的馬迷都撐傘觀賽。

已退休的歐陽伉儷則坐在看台前排，歐陽太太指，今日是第一次入馬場看賽馬，大讚氣氛熱鬧，「好開心，又睇到舞獅、又見到林鄭，影咗好多相，下年再嚟過」。為太太撐傘的歐陽先生說，只投注了10元「玩下」，旨在帶太太入場「見識」，又說二人今早參觀完高鐵西九龍站就過來，「當係香港一天遊，我哋幾十歲要多啲出嚟溝通下，先維繫到感情」。

退休馬迷林先生說，上個馬季輸了3,000多元，「都算幾多」，襯開鑼日入場「攞個好意頭」，預計投注千多元，「希望今季可以翻身，頭場贏咗就好彩頭」。他又稱，場內氣氛不俗，「可惜落雨，如果唔係更多人」。

從事裝修的黃先生亦趁放假入場觀賽，他說上季雖然輸多過贏，但都贏了數千元，預計今日投注數百元，希望今季「贏多啲」 ，但沒有刻意去敲銅鑼攞彩，「會做多啲功課，都想贏一千幾百」。