今年台灣最賣座電影《比悲傷更悲傷的故事》，今日喺台北西門町舉行慶功記者會，主演嘅劉以豪、陳意涵、吳映潔（鬼鬼）等人現身見fans。

於今年8月宣佈與拍拖一年嘅導演男友許富翔奉子成婚嘅陳意涵（新聞連結： https://bit.ly/2Qdzbqo ），已經陀B 8個月，雖然佢個肚都幾大吓，但就唔算肥咗好多，佢話自己準備下星期卸貨，「很可惜這次無法出來宣傳。」陳意涵仲順便話男主角劉以豪只係顧住拍其他戲而唔宣傳，又講笑叫劉以豪要展露上身晒「億萬胸肌」回饋粉絲，嚇到劉以豪即刻話：「我要跪了啦。」

儘管陳意涵冇出嚟宣傳，佢話自己去戲院睇其他戲時，有偷偷睇吓啲觀眾係咪捧《悲傷》場，又或者睇吓有冇人睇完戲喺度喊。而鬼鬼就話自己包場時，舊隊友小蠻喺旁邊啜泣，而導演就話視障歌手蕭煌奇傳訊息表示「看完也哭了」，對於只係聽聲都可以令觀眾感動，令現場演員都話好驚訝！

精選娛聞，喺晒《娛果》
http://fb.com/appledailyent